Rastet e reja të koronavirusit në Shtetet e Bashkuara janë, mesatarisht, 15 vjet më të rinj se pacientët që u sëmurën në fazat e hershme të pandemisë, tha shefi epidemiologjik amerikan Anthony Fauci.
Kjo konfirmohet nga të dhënat për pacientët nga Kalifornia, Arizona, Florida dhe Texas, dhe shumica e rasteve të reja janë të rinj që nuk respektuan masat e distancës sociale, iu referua BBC.
“Mosha mesatare e të sëmurëve tani është 15 vjet më e re sesa ishte disa muaj më parë, veçanërisht në New York, New Orleans dhe Chicago”, tha Fauci.
Guvernatori i Floridës, Ron DeSantis tha të martën se mosha mesatare e pacientëve që kanë nevojë për shtrim në spital është 33vjeç, ndërsa në mars, kryesisht të sëmurë ishin pacientët e moshës midis 50 dhe 60 vjeç. /tesheshi.com/
