Policia italiane dhe karabinierët vazhdojnë bastisjen e tre strehëve të liderit të Cosa Nostra-s, Matteo Messina Denaro në Siçili.
Kreu i kësaj bande u arrestua të hënën e kaluar jashtë një klinike në Palermo.
Sipas gazetës italiane La Repubblica, Messina Denaro mbante llogari të detajuara të të ardhurave dhe shpenzimeve të sipërmarrjeve të ndryshme mafioze, “për shuma me shumë zero”.
Në strehimoret e tij u gjetën shënime në letra të vogla ngjitëse me numrat e telefonit të personave që ai i konsideronte të dobishëm dhe “detyrimet” e tij.
Është gjetur edhe një poster i projektit filmik “The Godfather”.
Fshehja e tretë është pikasur nga karabinierët pasditen e djeshme në fshatin sicilian Campobello.
Prokurorët po vazhdojnë të ekzaminojnë dy telefona celularë dhe një kompjuter që i përkisnin bosit të mafias siciliane dhe që konsiderohen si “burim informacioni të vlefshëm”. /tesheshi.com/
