Rishfaqen bashkë me përkrahësit e Ben Blushit edhe njerëzit e vjetër të Fatos Nanos në Partinë Socialiste.
Mark Nikolli, ish-kryetari i komisionit të garancive statutore të PS-së në kohën e Fatos Nanos, të cilin Berisha e quante me shpoti “Mark Abdia” shoqëroi Arta Daden në paraqitjen e argumenteve në denoncimin që i është bërë mungesës së zgjedhjeve për kryetarin e Partisë Socialiste.
Arta Dade, duke dalë nga selia e PS-së, tha se pret përgjigje përpara Kongresit.
Deputetet socialiste Arta Dade dhe Mimoza Hafizi do të marrin interpretim me shkrim nga Komisioni i Garancive Statutore para mbajtjes së Kongresit, lidhur me shqetësimin e ngritur për shkeljet e statutit.
Vetë deputetja Dade tha se “u shpreh interesi nga anëtarë të Komisionit të Garancive Statutore lidhur me shqetësimet tona, ne dhamë përgjigjet adekuate dhe morëm premtimin që brenda një periudhe të shkurtër do të marrim përgjigjen përkatëse me shkrim për shqetësimet që kemi paraqitur”. /tesheshi.com/
