Ministri i Brendshëm, Fatmir Xhafa ka folur për herë të parë për rastin “Tahiri”, duke drejtuar gishtin tek prokuroria se është e përdorur politikisht.
Pasi ka kundërshtuar akuzat se ai i ka përgatitur dosjen pasardhësit të vet, Xhafa tha se provat që kanë mbërritur deri tani nuk bindin juridikisht.
“Dje kur më pyetët u thashë që është një çështje që është iniciuar dhe shqyrtuar nga drejtësia italiane.
Nuk kam asnjë kontribut në këtë çështje. Thjesht duan ta përdorin.
Nëse do më pyesni nga pikëpamja ligjore, ajo çka është çuar nga prokurorët e Krimeve të Rënda dhe aq sa unë kam lexuar, nuk është një gjë që shpreh vullnetin e ligjit dhe bazueshmërinë në prova.
Sipas meje jemi në rastin kur individë të prokurorisë po vetëpërdoren politikisht në një situatë në nxehtë politike.
Flas për sa unë kam parë dhe kam lexuar. Nëse prokuroria ka prova të tjera le ti shohim.
Para se të jem ministër, jam jurist dhe nga ky këndvështrim po jap vlerësimin tim.
Precedent të tillë janë të rrezikshëm për drejtësinë dhe marrëdhëniet parlamentare për aq sa unë kam lexuar.
Unë jam i shqetësuar mos ndodh ajo që ndodhi te operacioni i pak ditëve më parë në Vlorë, kur prokurori u përdor politikisht për një çështje thellësisht hetimore.
Kjo është e përsëritur dhe shumë e dëmshme për autoritetin dhe organin e akuzës”, tha Xhafaj. /tesheshi.com/
