Fatkeqësitë dhe katastrofat natyrore në Shtetet e Bashkuara në vitin 2017 i kanë kushtuar qeverisë së vendit 306 miliardë dollarë.
Agjencia amerikane për oqeanet dhe atmosferën tha se vitin e kaluar, shpenzimet e SHBA-ve në rehabilitimin nga pasojat e stuhive, zjarreve në pyje, përmbytjeve dhe thatësira arritën shifrën prej 306 miliardë dollarë.
Thuhet se vetëm uragani Harvey, i cili goditi shtetin e Teksasit, i kushtoi Shteteve të Bashkuara 125 miliardë dollarë. Deklarata gjithashtu thekson se zjarret në pyjet në perëndim të SHBA-ve i kushtuan vendit rreth 18 miliardë dollarë.
Viti i kaluar në Shtetet e Bashkuara u regjistrua si vit rekord, kur është fjala për kompensimin për dëmet e shkaktuara nga fatkeqësitë natyrore. Më parë, viti 2005 ishte një vit rekord, duke shpenzuar 215 miliardë dollarë. /tesheshi.com/
