Të paktën 80 emigrantë dyshohet se kanë gjetur vdekjen si pasojë e përbytjes së anijes së tyrë në brigjet e Tunizisë. Lajmin e rëndë e bëri me dije zëdhënësi i Organizatës Ndërkombëtare për Migracionin (IOM) Flavio Di Giacomo.
“Një fatkeqësi ndodhi në bregun tunizian, ku ka 4 të mbijetuar të cilët janë sjellë në Tunizi. Ata pohojnë se anija e tyre mbante afro 86 njerëz. Pra, dyshojmë se rreth 80 emigrantë kanë vdekur”, tha ai.
Incidenti ndodhi të mërkurën në qytetin jugor të Zarzis të Tunizisë, thanë autoritetet lokale të sigurisë. Anija kishte nisur lundrimin të hënën nga Libia fqinje, ku synim kishte arritjen në Evropë.
Të paktën 65 emigrantë u mbytën majin e kaluar në një situatë të ngjashme, dhe po në të njëjtin lokacion. /tesheshi.com/
