Fatih Cakmak, pjesëtar i një kompanie sigurimi e angazhuar në klubin e natës Reina, mbeti i vrarë në sulmin e mesnatës në Stamboll, pikërisht ndërsa me dhjetra njerëz po festonin Vitin e Ri.
Por çfarë e dallon atë nga viktimat e tjera?
Cakmak pati më shumë fat më 10 dhjetor të vitit të kaluar, pasi u mbijetoi dy shpërthimeve në afërsi të Vodafone Arena, njofton Haber.
Në atë shpërthim mbetën të vdekur 38 persona, kryesisht policë dhe u plagosën 155 tjerë.
Ndërsa mesnatën e 1 janarit, në klubin e njohur të natës, Reina u vranë 39 njerëz, në një masakër të kryer nga një person i veshur si Babadimër.
Mes të vrarëve, ndodhej dhe Fatih Cakmak. /tesheshi.com/
