Nga Mensur Krasniqi
Testi i cilësisë së jetës në një vend është dhe fati që mund të kenë kafshët në të.
Dhe në Maqedoni, aty ku lehtazi dallohet diskriminimi në rrafshin njerëzor, siç është ai etnik, po kaq lehtë mund ta haset dhe diskriminimi në botën zoologjike.
Këtë më së miri e tregon fati i zi i një maceje të zezë, e cila edhe po të ishte e bardhë, nuk se do ndryshonte gjë në të përfunduarit e saj të diskriminuar.
Para disa ditës
h, në një kënd të rrugës në lagjen Çairçanka të Shkupit ndodhej një mace e saposhkelur nga ndonjë automjet.
E shtrirë me këmbën e thyer e të gjakosur, ajo kishte humbur vetëdijen dhe mezi merrte frymë, e padyshim priste që dikush të tregonte mëshirë për të.
Asnjë nga banorët e kësaj lagje nuk e hetonte, ndoshta edhe duke menduar se ajo nuk po jeton më.
Ishte portali tesheshi.com që u përkujdes, më së paku duke kontaktuar Agjencinë për Ushqim dhe Veterinari të Maqedonisë, ku edhe paraqiti rastin në fjalë.
Por kjo e fundit – si çdo institucion tjetër shtetëror në vend ku nuk dijnë tjetër përveçse t’i ikin përgjegjësisë dhe detyrimeve, duke qenë kështu dhe shprehje e një shteti pa humanitet në frymën që përçon, pasi më e pakta mund ta merrte për trajtim veterinar – na drejtoi në lokacione të tjera, gjoja përgjegjëse për këto raste.
Pas përpjekjeve të shumta, portali tesheshi.com arriti të kontaktojë qendrën për mbledhjen e kafshëve të buta në Maqedoni. Por dhe aty u has një portë e mbyllur, pasi drejtues të saj thanë se nuk bëjnë mbledhjen e maceve nëpër rrugë, por vetëm të qenve, edhe atë duke iu referuar një ligji.
Dhe kështu, macja mbeti e pastrehë në kënd të rrugës dhe nën mëshirën e Zotit. Sepse nuk mund të ndodhte që për të, të shkelej ligji.
Pra, më mirë ajo mace “të ngordhte si qen” në mes të rrugës sesa të shkelej ligji në Maqedoni(!). /tesheshi.com/
