Senati amerikan ka miratuar një ligj që ndalon importin e produkteve nga rajoni i Kinës Xinjiang, përpjekja e fundit nga Uashingtoni për të ndëshkuar Pekinin për atë që Shtetet e Bashkuara pretendojnë se është gjenocid kundër ujgurëve dhe grupeve të tjera muslimane.
Projekt-ligji duhet të kalojë gjithashtu nga Dhoma e Përfaqësuesve përpara se të dërgohet në Shtëpinë e Bardhë për t’u nënshkruar nga Presidenti Joe Biden.
Senatori Republikan Marco Rubio i bëri thirrje Shtëpisë së Bardhë për veprim të shpejtë.
“Ne nuk do t’i mbyllim sytë para krimeve të Partisë Komuniste të Kinës kundër njerëzimit dhe nuk do të lejojmë që korporatat të përfitojnë nga këto abuzime të tmerrshme”, tha Rubio.
Demokratët dhe Republikanët presin që ligji të marrë mbështetje të fortë në Shtëpinë e Bardhë, duke theksuar se miratoi një masë të ngjashme pothuajse unanimisht vitin e kaluar.
Grupet e të drejtave, studiuesit dhe disa zyrtarë perëndimorë pretendojnë se autoritetet në Xinjiang kanë krijuar punë të detyruar për rreth një milion ujgurë dhe pakica të tjera kryesisht muslimane që nga viti 2016. /tesheshi.com/
