Kryeministri Rama njoftoi ndërhyrjen në një prej veprave në rrënim të infrastrukturës, Urës së Zogut, asaj që prej vitesh ka lidhur Shqipërinë e Mesme me atë veriore.
Kjo urë është mbi Lumin Mat dhe prej vitesh ka dalë jashtë funksionit.
Ta shihje, të dhimbsej; së bashku me pezmin që mund të shembej. Por jo.
“Gati të nisim nga puna për të rilindur Urën e Zogut mbi lumin Mat, monument kulture.
Tashmë projekti i hartuar nga Fakulteti i Inxhinierisë së Ndërtimit ka marrë dritën jeshile nga Këshilli Kombëtar i Trashëgimisë Kulturore Materiale për ndërhyrjen në këtë objekt”, shkruan i pari i qeverisjes. /tesheshi.com/
