Janë bërë menjëherë virale në rrjet fotot e një martese tronditëse në Iran, të cilat kanë protagonistë një djalë 14 vjeç dhe bashkëshorten e tij 10 vjeçare.
Sipas Al-Arabiya, çifti ka marrë një leje të veçantë nga autoritetet për tu martuar, duke qenë se nuk kishin mbushur ende moshën ligjore për tu kurorëzuar në martesë. Sipas ligjeve në republikën islamike, meshkujt mund të martohen në moshën 15 vjeçare ndërsa femrat në moshën 13 vjeçare. Dy të rinjtë arritën të martoheshin me leje të veçantë dhe me pëlqimin e prindërve të tyre.
Fotografitë e publikuara në rrjetet sociale paraqesin dy të rinjtë në poza që imitojnë çiftet e rritura në moshë, kur sapo martohen. Për shembull, ai që i puth dorën bashkëshortes apo që shfletojnë bashkë një libër. Në fotografi të tjera duket ai ‘princi i kaltër’ që mundohet të zgjojë nëpërmjet nj puthjeje atë, ‘bukuroshen e fjetur’; ose një fotografi tjetër, ku ajo, nusja e re shtrihet në kofanon e një makine, e rrethuar nga lule të shumta.
Historia dramatike e Razieh (një emër jo real) është ajo e shumë femrave të tjera iraniane, të cilat, veçanërisht në zonat rurale, janë detyruar nga familjet e tyre të martohen në moshë shumë të re.
Sipas drejtorit të Qendrës Shtetërore të Koordinimit të Emergjencave Sociale, Majid Arjmandi, gjatë 10 viteve të fundit, rreh 420 mijë vajza pa mbushur ende 15 vjeçe janë martuar në Iran me meshkuj të cilët janë rreth të 60-ave, apo edhe më shumë. Vetëm gjatë vitit të fundit janë regjistruar mbi 40 mijë raste të tilla. Arjmandi ka denoncuar se gjatë viteve të fundit ka pasur martesa të shumta të vajzave nën moshën 10 vjeçare./tesheshi.com/
