Një disident politik nga Libia ka humbur jetën në përpjeke për të shpëtuar dy burra që po mbyteshin në det.
Burrat shpëtuan, por Abdulazim Al Farawi jo.
Ajo që nisi si një piknik në plazh në lagjen Yenikoy të Stambollit përfundoi me jetë të humbur të atij që sot po konsiderohet si “heroi i plazhit”.
Me t’i parë dy burrat që ishin në rrezik, Al Farawi nuk humbi kohë për t’u hedhur në det për ndihmë. Por vdekja nuk e kurseu, dhe ai ndërroi jetë pak minuta pasi u soll në spital.
Sipas Daily Sabah, menjëherë pasi Al Farawi u hodh për të shpëtuar dy burrat, ai u kap nga valët dhe rojet e shpëtimit u thirrën për ndihmë.
Trupat e tre burrave u nxorën nga rojet e shpëtimit; megjithatë, Al Farawi u raportua të ishte pa vetëdije.
Ai ishte shtetas libian, babai 49-vjeçar i tetë fëmijëve, studiues i Islamit dhe një predikues i njohur që kishte shpëtuar në Libi pas shpërthimit të luftës civile në 2011.
Si profesion, Al Farawi ishte gjithashtu një mjeshtër anijesh dhe kishte njohuri të gjera për detin. Ai jetonte në Turqi dhe po merrte trajtim për sëmundjen sëmarrë pas torturave të rënda që kishte pasur në burg, kur u arrestua nga milicia besnike e gjeneralit renegat Khalifa Haftar.
Kohët e fundit, Al Farawi kishte ndihmuar edhe një libian tjetër që kishte nevojë për transplantim të mëlçisë. Pasi i dhuroi një pjesë të mëlçisë së tij, Al Farawi raportohet se kishte vuajtur nga një problem mjekësor, por u shërua më vonë. /tesheshi.com/
