Një ngjarje e rëndë ka tronditur Burgun e Peqinit, e pandodhur më parë, me pasojë vrasjen e një të burgosuri me burgim të përjetshëm, ekzekutuar, jo me armë të ftohtë por me të nxehtë, pistoletë, të dënuarit tjetër po me burgim të përjetshëm, Arben Lleshi.
Autor është Sokol Mjacaj, autori i vrasjes së një çifti çek në malet e veriut, më saktë Dukagjinit, ndodhur kjo pak vite më parë, në 2015-ën.
Sokol Mjacaj ka vrarë dy turistët çekë, më 3 korrik 2015 në fshatin Prekal të Dukagjinit.
Mjacaj i grabiti dy të rinjtë Michal Svatos dhe Anna Kusinova, më pas i ekzekutoi me armë zjarri në automjetin e tyre.
Ndërsa Arben Lleshi ishte i dënuar për vrasjen e bashkëkombësit të tij Agim Hoxha në Sauthempton, në 2013-ën, duke e djegur të gjallë brenda në makinën e tij pas një konflikti për afera lëndësh narkotike.
Në ngjarjen e rëndë të Burgut të Peqinit u plagos, nga plumbat e Mjacajt edhe Indrit Shaqja, gjithashtu i dënuar me burgim të përjetshëm për vrasjen e dy të moshuarave, Elsa Vava 72 vjeç dhe Gjinovefa Vava 77 vjeç, kunata me njëra-tjetrën.
Mësohet se Mjacaj ka qëlluar drejt Arben Lleshit nga dritarja e qelisë, ndërkohë që ky i fundit kanë qenë
në ajrosje së bashku me Indrit Shaqjan, i cili mbeti i plagosur. Sa për armën, thuhet se ajo ka hyrë me dron në territorin e Burgut të Peqinit. Ndërsa për motivin ende nuk ka ndonjë version.
Aty mbërriti ministri i Drejtësisë Ulsi Manja, duke deklaruar: “Do të nxjerrim t’i gjitha përgjegjësitë e institucionit tonë. Do t’i shkojmë deri në fund”. /tesheshi.com/
