Në Nju Jork u hap një ekspozitë, e cila prezantoi vepra të famshme të modifikuara të artit që donin të tregonin të drejtat e personave me aftësi të kufizuara
Ekspozita e organizuar nga Fondacioni për Arsim dhe Solidaritet me Personat me Aftësi të Kufizuara në Stamboll (IZEV), u hap në Qendrën Turkevi.
Veprat e piktorëve të famshëm, duke përfshirë Leonardo da Vinci, Vermeer dhe Rembrandt, janë riinterpretuar me fytyrat e njerëzve me sindromën Down.
Ekspozita e organizuar me moton “Edhe ne mund të jemi fokusi i një vepre arti” përbëhet nga 12 punime. Bëhet fjalë për veprat e përshtatura të njohura “Mona Lisa”, “Vajza me vathë perla”, “Djali i ri me kosh frutash” e të tjera.
Sekretarja e Përgjithshme e IZEV-it, Merve Kiliç, tha për AA se ekspozita synon të tërheqë vëmendjen e publikut ndaj personave me aftësi të kufizuara.
Sipas saj, ekspozita është prezantuar për herë të parë në Nju Jork.
“Gjatë përgatitjes së ekspozitës kemi përdorur vepra me famë botërore, sepse donim të përçonim mesazhin pa pasur nevojë për fjalë, pavarësisht se ku ishim”, sqaroi Kiliç.
Pas SHBA-së, ekspozita do të prezantohet edhe në Evropë.
Kiliç beson se ky projekt mund të jetë shembull për projektet e ardhshme. /tesheshi.com/
