Partitë opozitare kosovare VV, AAK, NISMA po vazhdojnë përgatitjet për protestën e cila është në prag, ajo e 17 shkurtit. Dhe siç e do puna, kanë shtrydhur dhe fantazinë për të gjetur detaje joshëse që të mbledhin sa më shumë njerëz në shesh.
Kështu, ata kanë vizatuar këmbët e qytetarëve në trotuare bashkë me thirrjen “Protesto”.
Opozita, përmes përfaqësuesve të saj politik thotë se protesta e 17 shkurtit do të jetë paqësore dhe njëherit më masivja e organizuar ndonjëherë në Kosovë.
Por, duke parë eskalimin e situatës në protestat e kaluara nuk është 100 % e sigurt se një gjë e tillë nuk mund të ndodh edhe në këtë protestë.
17 shkurti është afër, andaj mbetet të shihet nëse do të ketë protestë paqësore dhe festë për 8-vjetorin e pavarësisë apo tymi dhe përleshjet protestues-polici do të jenë kryefjala e ditës. /tesheshi.com/
