Ndër lajmet e bujshme të së djeshmes ishte dhe një përplasje e tifozerisë tiranase, të ashtëquajturit “fanatics”, me ekipin e tyre të zemrës, duke mos e lënë atë që të futet në “Selman Stërmasi”, si një formë rebelimi e kundërshtimi ndaj vendimit që dhe Partizani t’i luajë ndeshjet aty.
“Morrat, siç i quajnë ata me përçmim futbollistët e klubit të kuq, nuk kanë vend këtu”, thanë ata, në krye të të cilëve ishte një person me kapele, që siç u pa, bënte ligjin. Por kush është ky person, ky i fortë i “fanaticsave”?
Ai është Gerti Çeliku, nipi i publicistit dhe shtetarit të njohur Artan Lame, aktualisht kreu i ALUIZN-it. Gert Çeliku njihet si një ndër çunat problematikë të Tiranës së pas-90-ës, por kurrë i akuzuar për ndonjë vepër të rëndë penale.
Interesant është fakti se Çeliku ka dhe njohje të afërta me presidentin e Partizanit, Gaz Demin, gati-gati mik, kundër të cilit ai shfaqet aq luftarak duke udhëhequr tifozerinë fanatike të Tiranës. /tesheshi.com/
