Familjarët e viktimave të Malaysia Airlines MH17 kanë paditur Rusinë dhe Presidentin e saj Vladimir Putin në Gjykatën Europianë të të Drejtave të Njeriut. Avioni u rrëzua nga një raketë rusë në lindje të Ukrainës në vitin 2014, duke vrarë 298 pasagjerë që ndodheshin në bord.
Perëndimi dhe Ukraina thonë se rebelët e mbështetur nga Rusia ishin përgjegjës për aksidentin e rëndë, teksa Rusia akuzon forcat ukrainase.
Padia e familjarëve është bazuar në shkeljen e të drejtës së pasagjerit për jetën dhe kërkojnë 10 milion dollar për çdo viktimë dhe proces gjyqësor për Rusinë dhe Presidentin e saj. Avokati që po udhëheq rastin deklaroi për News.com.au se familjarët nuk e pranon dot ngjarjen të cilën e konsiderojnë krim.
“Rusët nuk kanë asnjë fakt për të fajësuar Ukrainën. Ne kemi fakte, fotografi, memorandume dhe shumë të tjera për Rusinë”, deklaroi avokati, duke shtuar se janë në pritje të rastit nga Gjykata Europiane për të drejtat e njeriut.
MH17 u rrëzua në kulmin e konfliktit ndërmjet Ukrainës dhe Rusisë. Shumica e viktimave ishin holandezë teksa hetimet vijojnë. /tesheshi.com/
