Familja e gazetarit saudit, Jamal Khashoggi, bëri thirrje për një hetim ndërkombëtar për zhdukjen e tij, duke shtuar se ata janë “trishtim dhe ankth” duke pritur fjalën zyrtare për fatin e tij.
“Ne jemi në trishtim dhe me padurim po ndjekim lajmet kundërthënëse lidhur me fatin e të dashurit tonë pasi kemi humbur kontaktin me të dy javë më parë, kur ai u zhduk pasi hyri në konsullatën saudite në Stamboll”, tha familja në një deklaratë.
“Familja jonë është e traumatizuar dhe dëshiron të jetë e bashkuar në këto ditë të dhimbshme”.
“Përgjegjësia e fortë morale dhe ligjore që na dikton fati i njeriut tonë, na obligon të bëjmë thirrje për krijimin e një komisioni të pavarur dhe të paanshëm ndërkombëtar për të hetuar rrethanat e zhdukjes”, tha familja e tij.
Khashoggi prej kohësh ka pasur frikë se do të vritet në konsullatë, pasi ai hyri më 2 tetor dhe nuk u pa më të dalë që aty – qartëson familja.
Presidenti Trump ngriti mundësinë që “vrasës mashtrues” të mund të ishin përgjegjës për zhdukjen e Khashoggi, deklaratë kjo e dhënë pasi foli në telefon me Mbretin Salman për rreth 20 minuta.
Trump tha se Salman “në mënyrë të vendosur mohon” çdo dijeni mbi zhdukjen e Khashoggi-së.
Të hënën, zyrtarët turq dhe sauditë arritën në konsullatën saudite në Stamboll për një hetim të përbashkët.
Në të njëjtën ditë që Khashoggi u fut në konsullatë, 15 sauditë të tjerë, duke përfshirë disa zyrtarë, arritën në Stamboll me dy aeroplanë dhe vizituan ndërtesën ndërsa gazetari ishte gjithashtu brenda, thanë burimet e policisë. Të gjithë individët e identifikuar kanë lënë Turqinë.
Autoritetet saudite ende nuk kanë dhënë një shpjegim të qartë për fatin e Khashoggi-së. /tesheshi.com/
