Përkujtime dhe mitingje u mbajtën në Minneapolis, New York dhe shumë qytete amerikane të enjten në kujtim të afrikano-amerikanit George Floyd, i cili ndërroijetë gjatë një arrestimi brutal të policisë, kur një oficer policie i bardhë i shtypi qafën me gju, edhe pse nuk pati rezistencë.
Vdekja e Floyd-it ka shkaktuar protesta në të gjithë vendin për dhjetë ditë, me protestuesit që kërkojnë t’i japin fund veprimit brutal të policisë kur bëhet fjalë për afrikano-amerikanët, duke shprehur zemërim ndaj racizmit dhe policisë që mbante armë të rënda.
Anëtarët e familjes, miqtë, udhëheqësit politikë dhe fetarë i kanë bërë nderim Floyd-it në Minneapolis. Vëllai i tij Philonise tha me rastin që të gjithë erdhën për të parë vëllanë e tij.
“Eshtë e mahnitshme që ai preku zemrat e kaq shumë njerëzve,” tha vëllai i Floyd, i cili kishte veshur një simbol me imazhin e vëllait të tij në xhaketë. “Të gjithë duan drejtësi, ne duam drejtësi për George, ai do ta marrë atë,” tha ai.
Një arkivol me trupin e Floyd, 46 vjeç, u vendos në mes të një salle ku ku u mbajtën ceremonitë. /tesheshi.com/
