Ministrja e Drejtësisë Etilda Gjonaj bëri me dije arrestimin e drejtorit të Burgut të Lushnjes dhe kartelistit të këtij institucioni riedukimi, pasi akuzohen se liruan para kohë ish-të fortin e Beratit Lulzim Caka.
“Dje në mbremje, me informacion në rrugë operative nga Shërbimi i kontrollit të Brendshëm të burgjeve, jam vënë në dijeni me dyshimin e lirimit para kohe nga IEVP Lushnjë, të të dënuarit Lulzim Caka, i dënuar me 25 vjet heqje lirie për kryerjen e disa veprave penale.
Në përfundim të këtyre hetimeve, ka rezultuar se shtetasi Lulzim Caka është liruar nga IEVP-Lushnjë 4 muaj e 22 ditë përpara shlyerjes së plotë të dënimit, për shkak të përllogaritjes në mënyrë të gabuar nga ana e kartelistit të IEVP Lushnjë dhe lëshimit të urdhërit të lirimit në mënyrë të kundraligjshme nga Drejtori i IEVP Lushnjë.
Si rezultat i shkeljeve të evidentuara, në orët e para të mëngjesit, Shërbimi i kontrollit të brendshëm të burgjeve kreu arrestimin në flagrancë të:
- Judmir Shurdhi me detyrë Drejtor i IEVP-Lushnjë, për veprën penale të “Shpërdorimit të detyrës”.
- Llazar Mino, me detyrë kartelist pranë IEVP Lushnjë. /tesheshi.com/
