“Fëmijë të vrarë nga bombat; njerëz duke ngrënë nëpër plehra për të mbetur gjallë; Vetëvrasje të njerëzve të cilët nuk mund të mbajnë më…”
Këto janë disa prej përshkrimeve të tmerrshme nga ana e banorëve, të cilët kanë arritur që të ikin nga qyteti i rrethuar irakian.
Vitet e kaluara, Falluja ka përjetuar një konflikt të vazhdueshëm; dhe për këtë arsye është qyteti irakian që ka e pësuar më së shumti prej gjitha qyteteve tjera.
Forcat irakiane, me ndihmën e milicisë shiite dhe forcave ajrore të SHBA, kanë filluar të avancojnë në drejtim të Falluja-s me 23 maj, me qëllim që ta marrin nën kontroll qytetin nga duart e Shtetit Islamik.
Falluja është qyteti i parë irakian që ka rënë në duart e ISIS-it në vitin 2014 dhe mbetet një prej dy bastioneve për luftëtarët e këtij formacioni, më shumë se të tmerrshëm, të dyshimtë në misionin e tij, gjersa është denoncuar disa herë si diçka që bie erë konsipracion. Qyteti tjetër është Mosuli.
Është beteja e tretë më e madhe për këtë qytet, qëkur koalicioni i udhëhequr nga SHBA-të ka pushtuar Irakun, para 13 viteve.
Dhe që atëherë, aty ka patur shumë pak paqe, pa llogaritur faktin se është një qyteti krejt i izoluar nga pjesa tjetër e botës.
Grupet humanitare paralajmërojnë se Falluja është në prag të një katastrofë humanitare.
Ata raportojnë për granatime të rënda dhe thonë se 20,000 nga 50,000 banorët e ngujuar në qytet, janë fëmijë.
Ka raportime, gjithashtu, për ekzekutime të djemve dhe burrave që refuzojnë për të luftuar për ISIS-in.
Ushqimi dhe ilaçet janë të pakëta.
Para se ajo të fitojë famë negative si “ferri në tokë”, Falluja më parë është quajtur “qyteti i xhamive dhe minareve”.
Prej 200 xhamive sa ka pasur ky qytet në të kaluarën, shumë pak prej tyre qëndrojnë në këmbë sot.
Disa prej luftimeve më të ashpra janë zhvilluar përreth tyre, të cilat kryengritësit i përdorin si strehë.
Përgatiti: Jeton Zenuni – /tesheshi.com/
