Presidenti Trump ka falur 15 persona, përfshirë katër veteranë të kompanisë private amerikane Blackwater, të cilët morën pjesë në masakrën e Bagdadit në 2007 në të cilën u vranë civilë irakianë.
Ata ishin pjesë e një autokolone automjetesh të blinduara që shoqëronin zyrtarë të ambasadës amerikane, nga e cila u vu në shënjestër një grup civilësh irakianë të paarmatosur.
Të paktën dy nga 14 të vrarët ishin fëmijë.
Paul Slough, Evan Liberty, Dustin Heard dhe Nicholas Slatten u dënuan në vitin 2014, pas muajsh gjyq në Gjykatën Federale në Uashington.
Slough, Liberty dhe Heard u dënuan me 30 vjet burg, por dënimet e tyre u zbutën disi dhe Slatten, i cili u identifikua si personi që hapi zjarrin, iu dha dënim i përjetshëm.
Ngjarja u bë e njohur si masakra e Sheshit Nisour dhe ishte pika e marrëdhënieve më të këqija midis Shteteve të Bashkuara dhe Irakut.
Të tjerët të falur përfshijnë ish-ndihmësin e fushatës së Trump-it, George Papadopulos, i cili u dënua për bërjen e një deklarate të rremë në një hetim për përfshirjen e Rusisë në zgjedhjet presidenciale të SHBA 2016
Trump gjithashtu fali Alex van der Zwaan, dënimi i të cilit ishte e lidhur me hetimin e Prokurorit Special Robert Mueller për ndërhyrjen ruse në zgjedhjet e SHBA, të cilin Trump e quajti “gjueti shtrigash”.
Raporti i Mueller nuk gjeti prova të bashkëpunimit midis fushatës Trump dhe rusëve, por u konkludua se Rusia ndërhyri në zgjedhjet e 2016 për të ndihmuar Trump.
Presidenti në largim fali gjithashtu dy ish-kongresmenë republikanë, Duncan Hunter dhe Chris Collins, të cilët u shkarkuan për krime financiare federale ndërsa ishin në detyrë.
Përveç gjithë kësaj, Trump ka shfuqizuar pjesërisht ose plotësisht dënimet për pesë persona të dënuar për vepra të ndryshme jo-politike.
Faljet presidenciale nuk janë të rralla për presidentët e SHBA që largohen nga Shtëpia e Bardhë.
Donald Trump do të largohet nga presidenca në 20 janar.
Ekzistojnë spekulime për atë që Trump mund të falë akoma, duke pasur parasysh se ka disa bashkëpunëtorë të tjerë që janë dënuar. /tesheshi.com/
