Pesë vendet skandinave kanë njoftuar se në të ardhmen duan të bashkëpunojnë edhe më ngushtë me njëra-tjetrën përsa i përket çështjeve të sigurisë dhe mbrojtjes.
Shtohet se pushtimi rus i Ukrainës i inkurajoi ata të bëjnë këtë lëvizje.
“Ne besojmë se në këto kohë bashkëpunimi midis vendeve skandinave është më i rëndësishëm se kurrë më parë,” tha kryeministri norvegjez Jonas Gahr Store pas një takimi me kolegët e tij në Oslo.
Pesë udhëheqësit ranë dakord që ministrat e punëve të jashtme dhe të mbrojtjes të vendeve skandinave duhet të studiojnë të gjitha segmentet e politikës së sigurisë “për të përcaktuar nëse ata mund të forcojnë interesat e përbashkëta”.
Në takimin e kryeministrave të Norvegjisë, Suedisë, Finlandës, Danimarkës dhe Islandës, u diskutua edhe për procesin e anëtarësimit të Suedisë dhe Finlandës në NATO, çështjet klimatike dhe bashkëpunimin energjetik.
Në Oslo, në takim morën pjesë kryeministrja daneze Mette Frederiksen, kryeministrja finlandeze Sanna Marin, kryeministrja islandeze Katrin Jakobsdottir, kryeministrja suedeze Magdalena Andersson dhe kryeministri norvegjez Store. /tesheshi.com/
