Mayo Clinic ka bërë një listë të shkaktarëve të qeskave poshtë syve. Sipas kësaj klinike shkencore, disa prej këtyre shkaktarëve janë mosha, alergjitë, trashëgimia dhe humbja e lëngjeve. Përgjithësisht qeskat poshtë syve nuk janë një problem mjekësor dhe në shumë raste mund të krijohen edhe për shkak të përdorimit të gabuar të produkteve kozmetike.
Me moshimin e njerëzve, muskujt e syve që mbështesin qepallat fillojë të dobësohet dhe lëkura fillon të varet. Dhjami që fillimisht është i vendosur rreth orbitës së syrit, lëviz nën qepallë. Me akumulimin e dhjamit, zona nën sy nis të fryhet. Kur shkaktarët janë gjenetikë apo të lidhur me moshën, kirurgjia përdoret për të trajtuar këto qeska. Kjo lloj kirurgjie quhet blepharoplasty dhe bën që yndyrnat e grumbulluara të hiqen përkohësisht.
Nëse shkaktarët e këtyre qeskave nuk janë të moshës apo të lidhura me gjenet, pra me trashëgiminë, ka disa mënyra të thjeshta për të reduktuar simptomat. WebMD shpjegon disa nga mënyrat për të eliminuar këto qeska nën sy, të cilat përfshijnë reduktimin e konsumit të produkteve që kanë shumë kripë, kujdesin ndaj alergjive dhe përdorimin e kompresave me ujë të ftohtë në pjesën e poshtme të syve.
Përdorimi i sasive të mëdha të kripës dhe alergjitë krijojnë ngadalësim të lëvizjes së lëngjeve nën sy. Duke pasur një dietë ushqimore me sasi të vogla kripe mund ta përmirësojë shumë gjendjen. /tesheshi.com/
