Presidenti i parë demokratik i Egjiptit dha dje shpirt në momentet më kritike, pikërisht kur ishte duke u gjykuar në njërën nga seancat e shumta kundër tij.
Shumë e kujtojnë atë si lideri që nisi themelet e reja të demokracisë në Lindjen e Mesme, ndërsa Kosova e kujton edhe për një gjë tjetër – njohjen e shtetit të Kosovës nga Egjipti, sapo ai erdhi në pushtet.
Ai ishte më meritori që sot Egjipti e njeh pavarësinë e Kosovës.
“Shteti më i vjetër në botë, Egjipti ka njohur zyrtarisht tani shtetin më të ri në Evropë, Kosovën. Lajmin për njohjen zyrtare të Kosovës nga Egjipti, unë e kam pranuar nga Dr. Essamel-Haddad, Asistent i Presidentit të Egjiptit”, kishte shkruar vitin 2013 në Twitter Enver Hoxhaj, që atë kohë kishte udhëhequr ministrin e jashtme.
Pavarësisht lobimit të madh nga diplomacia kosovare, Egjipti për më shumë se 5 vite nuk e kishte njohur pavarësinë e Kosovës, por e bëri sapo Mursi erdhi në pushtet në vitin 2012. /tesheshi.com/
