Disa media të Tiranës, ku veçon Top Channel, duket se ka rënë viktimë e një fake news-i, pasi ka servirur një lajm të huazuar nga disa media italiane, por lehtësisht të vërifikueshëm nga pavartëtësinë e tij.
“Nisur nga informacionet e marra, dyshohet se ky kërcënim vjen nga dy terroristë shqiptarë të shpallur në kërkim, që rezultojnë të strehuar në Itali.
Sipas mediave italiane, bëhet fjalë për 46-vjeçarin Bardhyl Hoxha dhe 40-48-vjeçarin Bujar Hyseni”, shkruan TCH, duke e shoqëruar me foton e Bujar Hysës (i thotë Hyseni), i cili është një nga ta dënuarit e grupimit që çonte shtetas shqiptarë në Siri, arrestuar në 2015-ën.
Bujar Hysa është dënuar me 18 vite burg dhe e kryen dënimin e tij, këtu, në Shqipëri, së bashku me anëtarë të tjerë të grupimit, pa patur asnjë lidhje me Italinë, e aq më pak të jetë i strehuar në anën tjetër të Adriatikut, siç raporton TCH, duke iu referuar disa mediave italiane.
Në narrativën mediatike, Bujar Hysa etiketohet si “imam i vetëshpallur”, referuar faktit se ka ushtruar detyrën e imamit në xhaminë e Mëzezit.
Këtë e potencon dhe Shqiptarja.com e italianit Carlo Bolino, kur shkruan se “një lajm i rremë u shpërnda ditën e sotme në disa portale italiane për t’u kopjuar më pas nga mediat shqiptare”. /tesheshi.com/
