Duke lajmëruar rinisjen e mësimit në shkollat e tre qyteteve të martën, ministrija e Arsimit Besa Shahni, shprehu nevojën dhe të një edukimi mediatik në kurrikula, referuar asaj çfarë ndodhi një natë më parë, kur një fake news mbi një tërmet të aluduar, çoi në një psikozë kolektive.
“Flasim vazhdimisht se si lajmet e rreme cënojnë demokracinë. Por në fakt, dje u dëshmua që ato cënojnë edhe sigurinë e qytetarëve dhe duhet luftuar me çdo kusht. Çfarë na mësojnë vendet që kanë të zhvilluara kurrikulat për alfabetizmin mediatik? Të mbështetemi tek burimi i informacionit. Nëse shihni një lajm bombastik, gjendet në një portal anësor si ai i mbrëmshmi, mos e merrni seriozisht. Shihni televizionet kryesore për të konfirmuar lajmet shqetësuese. Pra, mbështetuni tek burimi i informacionit dhe mos besoni gjithçka që botohet në portale”, tha Shahini, duke shtuar se ligji do veprojmë me përhapësit e atij lajmi.
“Unë gjej rastin të dënoj edhe një rast të paprecedentë, atë të mbrëmjes së djeshme të përhapjes së një lajmi të rremë “parashikues” të një tërmeti tjetër, i cili shtoi më tepër panikun e ankthin te njerëzit! Organet e drejtësisë po merren me ata që publikuan lajmin e rremë, ngaqë njoftimet e rreme që përhapin panik janë të dënueshme me ligj”, tha gruaja në krye të arsimit shqiptar. /tesheshi.com/
