Daniela Grrica, gazetarja e Shekullit që u shoqërua në polici për shkak të fake news-it me “tërmet në orën 20.30”, gjë që nxorri nga shtëpitë e krijoi me mijra banorë të Tiranës, mohon që ta ketë bërë ajo lajmin e përfolur.
“Lajmi i im ishte vetëm një citim i një medie preststigjoze shqiptare dhe titulli im fjalë për fjalë është ky:
‘Paralajmërimi i sizmologut grek: Kujdes tërmetet e tjera, mund të jenë shkatërruese!’ (pjesa tjetër e titullit, ku fitet për një orar është e shtuar)
Dhe më poshtë vijon intervista e plotë, ashtu siç ishte në median që unë kam cituar, pa asnjë lloj ndryshimi të mëvonshëm, përveç se publikimit të tij të parë në orën 15:11 minuta të datës 22 shtator.
Ju do thoni: Po ai foto-skrin që përhapi panik te të gjithë qytetarët dhe që mban emrin tënd çfarë ishte?
Nuk e di! Nuk e di kush, pse, çfarë kërkoi ai apo ajo që modifikoi atë foto. Sepse ai nuk është një lajm, i shpërndarë me link, është një foto e modifikuar me fotoshop që përhapi panik.
Ndjej keqardhje të thellë që e gjitha kjo u përhap dhe u keqpërdor në masë, duke njollosur emrin tim, ende pa u akuzuar. Por për një gjë të jeni të sigurt, kësaj çështje do t’i shkoj deri në fund, deri sa të dalë në dritë e vërteta e njollosur nga një ‘mjeshtër’ fotoshopi”, shkruan gazetarja në FB, në një sqarim për opinionin.
Bashkë me të, i shoqëruar në polici qe dhe gazetari i Syri.net, një portal i afërt me Berishën, Bashën dhe Metën, Aurel Rakipllari. Dyshohet se lajmi panik e kaosndjellës, ka dalë pikërisht nga ky portal, armik me qeverinë. /tesheshi.com/
