Facebook tha se kishte filluar procesin e emërimit të një përfaqësuesi ligjor në Turqi për ta sjellë rrjetin social në përputhje me Ligjin e Rrjeteve Sociale të miratuar nga Ankaraja në korrik të vitit të kaluar.
Ligji kërkon që kompani të tilla si Facebook dhe Twitter të caktojnë përfaqësuesit e tyre të cilët do të merren me ankesat e përmbajtjes në platformat e tyre, raporton AP.
Nëse ata nuk pranojnë, do përballen me gjoba dhe mundësinë e uljes së shpejtësisë së tyre të internetit.
“Ky vendim nuk ndryshon standardet e Facebook, as procesin global për rishikimin e kërkesave të qeverisë dhe ne do të tërheqim përfaqësuesin nëse përballemi me ndonjë presion,” tha kompania në një deklaratë.
Roli i përfaqësuesve të rrjetit social
Sipas Aktit të Mediave Sociale, një përfaqësues lokal i një kompanie të mediave sociale do të kishte për detyrë t’i përgjigjej kërkesave individuale për të hequr përmbajtjen që shkel privatësinë dhe të drejtat personale brenda 48 orëve ose për të deklaruar arsyen e mohimit.
Kompania do të jetë përgjegjëse për dëmet nëse përmbajtja nuk hiqet ose bllokohet brenda 24 orësh.
Ligji kërkon gjithashtu që të dhënat e mediave sociale të mbahen në Turqi.
Autoritetet turke gjobitën gjigantin e mediave sociale të paktën 40 milion lira turke (5.3 milion dollarë) vitin e kaluar për mosrespektimin e një kërkese për të caktuar një përfaqësues.
Vendimi i fundit i Facebook u mor një ditë para se të vendosej ndalimi i reklamave. /tesheshi.com/
