Facebook është tronditur thellë në bursën e Nju Jorkut pas publikimit të fakteve ku rrjeti social është përdorur nga Cambridge Analytica për të influencuar në zgjedhjet presidenciale në SHAB.
Siç bëjnë të ditur mediat botërore, kompania që zotërohet nga Mark Zuckenberg ka humbur mbi 8 pikë në bursën e Wall Street-it.
Mediat amerikane publikuan faktin se rreth 50 milionë përdorues të Facebook u morën nga Cambridge Analytica për të manipuluar muret e një numri të madh abonentësh dhe për të publikuar lajme të rreme.
Siç bëhet e ditur nga New York Times, Facebook ka qenë në dijeni të operacionit që ka kryer kompania britanike në fund të vitit 2015.
Parlamentari britanik, Damian Collins ka kërkuar që Mark Zuckenberg të dalë para një komisioni hetimor të Dhomës së Komunave.
Mbi çështjen ka ndërhyrë sot edhe Komisionerja e BE-së për Drejtësinë, Vera Jourova, e cila ka bërë të ditur se nëse vërtetohet ky fakt Facebook do të dëbohet nga Europa. /tesheshi.com/
