Pak ditë më parë, Facebook bëri me dije se do penalizojë faqet e lajmeve dhe do t’u jepet prioritet postimeve të miqve.
Por si duket ky penalizim do të jetë vetëm për faqet të cilat konsiderohen nga lexuesi si jo të besueshme.
Bashkëthemeluesi dhe shefi ekzekutiv i Facebookut, Mark Zuckerberg, mbrëmë ka thënë se do tu jepet “prioritet lajmeve që janë të besueshme, informative dhe lokale”.
Kompania tha se anëtarët e saj do ta përcaktojnë se do të rankohen organizatat mediatike, sipas kushteve të besueshmërisë.
Kjo lëvizje është përpjekja më e re e këtij rrjeti social për ta luftuar përhapjen e të ashtuquajturave lajme të rrejshme dhe propagandës./tesheshi.com/
