Rrjeti social Facebook ka thënë se i ka dhënë fund një fushatë të madhe dezinformi dhe manipulimi nga ana e Iranit kundër disa vendeve.
Facebook tha se kishte hequr 783 faqe, grupe dhe urdhra që portretizonin pikëpamjet zyrtare të Iranit për disa çështje të ndjeshme, siç është konflikti izraelito-palestinez, Siria dhe Jemeni.
AP raportoi se ka qenë Twitter-i ndihmëtari në zbulimin e aktiviteteve të dyshimta dhe ia raportoi ato Facebook-ut.
Kompania amerikane Facebook ka njoftuar më parë se do të shtojë rregulloret mbi reklamat politike në Bashkimin Evropian përpara zgjedhjeve planifikuar për në maj, për Parlamentin e ri Europian, si një përpjekje për të vënë nën kontroll dezinformimin dhe rritur transparencën në platformat e saj.
Duke filluar nga fundi i marsit, shpërndarësit e reklamave politike do të duhet të konfirmojnë identitetin e tyre para publikimit në këtë rrjet social popullor.
Rregulloret janë të ngjashme me ato që kjo kompani krijoi vitin e kaluar në Shtetet e Bashkuara, Mbretërinë e Bashkuar dhe Brazil. /tesheshi.com/
