Ndaj një kundërshtari modest, Totenhemi nuk e ka patur të vështirë këtë të dielë të sigurojë një vend në gjysmëfinalet e FA Cup-it.
Ashtu siç kishte bërë Arsenali dje, që ndaj Linkoln Sitit do të fitonte 5-0, Totenhemi mposhti sot 6-0 Milluollin.
Me një formacion ndryshe nga ai i zakonshmi, Totenhemi nuk hasi vështirësi gjithsesi në arritjen e objektivit.
Tre prej golave në fitoren e thellë u shënuan nga Heung-Min Son; realizuan gjithashtu Eriksen, Dele Alli dhe Janssen.
Mançester Siti, Arsenali dhe Totenhemi, tre ekipet gjysmëfinaliste të FA Cup-it, presin kundërshtarin e katërt, që do të dalë nga takimi i së hënës mes Çelsit dhe Mançester Junajtedit.
Me ekipe të tilla në gjysmëfinale, FA Cup premton të sjellë duele të zjarrta në fazën kulmore të tij. /tesheshi.com/
