Skuadra e Guardiola-s u ka dhënë përgjigjen më të mirë kritikave me një paraqitje mbresëlënëse në Londër ndaj Uest Hemit, në të parën ndeshje të raundit të tretë të FA Cup-it, një prej veprimtarive të futbollit anglez.
Mançester Siti zhvilloi një lojë të ngjashme me ato të fillimsezonit, duke e shkërmoqur Uest Hemin. Fitorja 0-5 i jep mundësi Mançester Sitit të bëhet skuadra e parë që kualifikohet për në raundin e katërt.
Në humbjen më të thellë në shtëpi të Uest Hemit në historinë e FA Cup-it, golat për miqtë u shënuan nga Yaya Toure, David Silva, Aguero dhe Stones, përpos një autogoli nga Nordtveit.
“Ishim në gjendje ta mbanim topin më shumë se në ndeshjet e fundit. Krijuam më shumë raste. Pas golit të dytë dhe të tretë, ishte e lehtë në pjesën e dytë. Eshtë e rëndësishme të fitosh në fushë kundërshtare, por nuk është e lehtë. Jemi djem të mirë, vrapuam shumë dhe luftuam,” deklaroi tekniku spanjoll i Mançester Sitit, spanjolli Guardiola.
Takimet e tjera të raundit të tretë të FA Cup-it në Angli do të luhen sot, të dielën dhe të hënën. /tesheshi.com/
