Liverpool-i nuk ka lejuar më ndonjë surprizë të pakëndshme në FA Cup, siç ndodhi dy javë më herët, kur barazimi ndaj Exeter City-t e detyroi ta përsëriste ndeshjen.
Përballja e mbrëmshme në “Anfield” po ndaj Exeter City-t përfundoi pa shumë mund 3-0 për vendasit, që vijojnë më tej në këtë veprimtari. Golat për Liverpool-in u shënuan nga Allen, Ojo dhe Joao Carlos.
Ndërkohë, në duelin tjetër, po të përsëritur, Tottenham-i ka arritur që ta mposhtë Leicester City-n në
fushën e këtij të fundit, dhe me një fitore të pastër 0-2 kualifikohet për në raundin tjetër të FA Cup-it.
Mysafirët ishin më të mirë gjatë gjithë ndeshjes, duke u lënë pak mundësi vendasve. Meritë në këtë sukses të Tottenham-it patën Heung-Min Son dhe Chadli, si shënuesit e golave. /tesheshi.com/
