Arsenal dhe Manchester City vazhdojnë të jenë në garë edhe në Kupën FA, derisa në kuadër të rrethit të katërt kanë regjistruar fitore.
Topçinjtë, më vështirë seç pritej, kanë triumfuar ndaj skuadrës Burnley, (2-1). Në duelin e zhvilluar në Emirates Stadium, ishin vendasit ata që diktuan kohën e lojës, ku realizuan përmes mbrojtësit Chambers, (19’). Shpejtë vjen përgjigjja e miqve, të cilët barazojnë rezultatin me anë të futbollistit Sam Vokes, pasi kishte kaluar gjysmë ore lojë.
Për të realizuar golin e radhës, të besuarit e francezit Arsene Wenger, u detyruan të presin pjesën e dytë të lojës, saktësisht minutën 51, kurt kiliani, Alexis Sanchez, solli epërsinë e dytë të revolveristëve, njëherësh edhe fitoren në këtë takim.
Manchester City, një tjetër skuadër pretendente për të fituar Kupën FA, pati një udhëtim të lehtë në Villa Park dhe me shifrat 0-4, shkatërroi Aston Villën. Ishte talenti nigerian, Kelechi Iheanacho, ai që realizoi het-trik dhe me një gol e ndihmoi Rahem Sterling, për të kompletuar pokerin e qytetarëve.
Ndërkohë në duelet tjera u regjistruan këto rezultate:
Colchester United 1 – 4 Tottenham Hotspur
Bolton Wanderers 1 – 2 Leeds United
Bury 1 – 3 Hull City
Crystal Palace 1 – 0 Stoke City
Nottingham Forest 0 – 1 Watford
Oxford United 0 – 3 Blackburn Rovers
Portsmouth 1 – 2 AFC Bournemouth
Reading 4 – 0 Walsall
Shrewsbury Town 3 – 2 Sheffield Wednesday
West Bromwich Albion 2 – 2 Peterborough United/tesheshi.com/
