Skuadra londineze e Chelsea-t ka siguruar biletën për të kaluar në fazën tjetër pasi ka fituar 2-0 në shtëpi ndaj Scunthorpe United-it. Golashënuesit në këtë fitore me vlerë për moralin e ekipit ishin Diego Costa dhe Ruben Loftus-Cheek, që realizuan në minutën e 13-të dhe të 68-të.
Përndryshe, dueli më interesant i raundit të tretë të FA Cup-it, Tottenham – Leicester City, përfundoi në barazim, 2-2. Leicester City është i shtrënguar të luajë një takim të dytë pasi pësoi gol në momentet e fundit të lojës.
Kane i barazoi shifrat për vendasit në minutën e 89-të pasi shënoi nga pika e 11-metërshit. Marcin
Wasilewski dhe Shinji Okazaki kishin realizuar për miqtë më herët, kurse serinë e golave e pati hapur Christian Eriksen i Tottenham-it.
Tottenham-i dhe Leicester City do të takohen sërish në një ndeshje të dytë për të përcaktuar kaluesin për në raundin tjetër të kupës, por interesante është se ato do të përballen gjithashtu këtë të mërkurë në kampionatin anglez. /tesheshi.com/
