Në Angli, ndryshe vendeve të tjera europiane, kjo fundjavë nuk u është rezervuar ndeshjeve të kampionatit, por atyre të FA Cup-it. Vëmendja kryesore qe e përqendruar tek disa nga skuadrat pretendente, të cilat e kaluan lehtësisht edhe këtë fazë të aktivitetit.
Mbajtësi i kupës së FA CUP-it, Arsenal-i, e ka mposhtur Sunderland-in në shtëpi me rezultatin 3-1, duke marrë kështu biletën për të ecur më tutje.
Manchester City arriti të fitojë thellë edhe pse luante në fushë kundërshtare. Norwich City u mposht 0-3, me golat e shënuar nga Aguero, Iheanacho dhe De Bruyne, dhe Manchester City vijon rrugëtimin i pashqetësuar. Everton-i po ashtu nuk e pati të mundimshme t’i kalonte inferiorët e Dagenham & Redbridge-it, që luajnë në nivelet e ulëta të futbollit anglez. Takimi përfundoi 2-0 për Everton-in.
Skuadra tjetër e Mançesterit, ajo e United-it, shpëtoi në çastet e fundit në duelin me Sheffield United-in. Një 11-metërsh i kthyer në gol nga Wayne Rooney në minutën e 93-të u dha fitoren e ngushtë 1-0 vendasve, që morën thellësisht frymë pas një dështimi tjetër në prag. /tesheshi.com/
