Prej kishave në qytetin palestinez të Nazaretit, brenda vijës së gjelbër është thirrur ezani për namaz, si shenjë kundërshtimi ndaj vendimit të Izraelit për të ndaluar thirrjen e ezanit në Jeruzalem. Kjo vjen në një kohë kur populli palestinez në Qytetin e Vjetër të Jeruzalemit ka shënuar kohën për namazin e Jacisë, përmes thirrjes së ezanit nga çatitë e shtëpive të tyre, siç tregojnë edhe pamjet që po përhapen përmes rrjeteve sociale.
Në përshkrimin e publikuar nga video shkruan se “Ezani për namazin e sabahut (lutjen në mëngjes) është thirrur nga çatitë e shtëpive palestineze në Jerusalem, pas ndalimit të ezanit për namaz në xhaminë e Al-Aksa, që është një pamje madhështore që provokon emocione të forta.” Përveç kësaj, në vendet Tayibe, Kafr Qasim, si dhe komunën Rahat dhe Kafr Kanna në Al-Jalil, brenda vijës së gjelbër janë organizuar demonstrata kundër legjislacionit izraelit për ndalimin e thirrjes së ezanit.
Klikoni linkun e videos: http://balkans.aljazeera.net/vijesti/video-ezan-se-oglasio-sa-krovova-palestinskih-domova
Protestuesit mbanin pankarta me mbishkrime që dënojnë ligjin, të cilin ata e konsiderojnë racist. Disa prej mesazheve më të shquara ishin: “Ligj racist”, “Ne nuk do të ndalim thirrjen për namaz” dhe “Ezanin e Bilalit nuk do ta heshtin pushtuesit izraelit.” Komiteti i Ministrave të Izraelit miratoi një ligj që ndalon thirrjen e ezanit përmes altoparlantëve, në komunat palestineze në Jerusalem./tesheshi.com
