Stuhitë e dimrit dhe temperaturat ekstreme të ftohta janë raportuar në ditët e fundit në gjithë Evropën. Nata më e ftohtë në kontinent me – 42 gradë Celsius është regjistruar në Lapland të Finlandës, në afërsi të kufirit me Suedinë.
Gjithashtu, në pjesët veriore të Suedisë janë shënuar temperatura rreth -41 gradë, të cilat po u shkaktojnë banorëve vendas shumë probleme, edhe pse janë të mësuar me ditët e ashpra dimri.
Siç shkruajnë mediat polake, në këtë vend për shkak të ngrirjes, gjatë 24 orëve të fundit kanë vdekur tre persona, duke rritur kështu numrin e të vdekurve në 46 që nga nëntori. Polakët janë të këshilluar që të veshin rroba të ngrohta, të mos pijnë alkool dhe të reagojnë kur të shohin dikë që është në rrezik gjatë dimrit.
Në verilindje të Gjermanisë stuhia e dimrit ka shkaktuar përmbytjet më të mëdha në dekadën e fundit./tesheshi.com/
