Një mesazh që nuk do t’i pëlqejë shumë çadrës së opozitës ka ardhur sot nga dy njerëz me influencë në politikën europiane dhe atë përtej Atlantikut, në SHBA.
Eurodeputeti Knut Fleckenstein dhe senatori amerikan John Mçain janë takuar me njëri-tjetrin dhe kanë një qëndrim të përvashkët për opozitën shqiptare që me dy fjalë do të ishte “Të hyjë në zgjedhje!”.
Në një status të shpërndarë në rrjetin Twitter, eurodeputeti gjerman Fleckenstein ka postuar foto nga takimi me senatorin amerikan në Washington DC dhe poshtë saj shkruan: ““Pata një bisedë konstruktive me senatorin John McCain në Uashington. Qëndrimi ynë sa i takon situatës në Shqipëri është i qartë. Ne i kërkojmë PD të marrë pjesë në zgjedhjet e ardhshme”.
Fleckenstein ishte një prej negociatorëve ndërkombëtarë në Tiranë që punoi për gjetjen e një konsensusi mes PD-së dhe PS-së. Senatori amerikan John Mçain gjithashtu pati një vizitë në Tiranë para pak javësh.
Është e disata herë që ndërkombëtarët në nivelet më të larta japi mesazhe të qarta dhe të forta për opozitën shqiptare duke i kërkuar që të hyjë në zgjedhje dhe të mos bojkotonte Kuvendin duke mos votuar Vetingun, proces ku ndërkombëtarët kanë investuar./tesheshi.com
