Të shtunën në mbrëmje mbërriti në Ankara avioni ushtarak që evakuoi 42 personanga Wuhan-i i Kinës për shkak të koronavirusit të ri.
Siç raporton AA, avioni transportues ushtarak A400M i Forcave të Armatosura të Turqisë i shndërruar në ambulancë për operacionin e evakuimit të planifikuar nga Ministria turke e Shëndetësisë pas operacionit të evakumit që ka zgjatur rreth 32 orë në kuadër të masave të marra, është pozicionuar në pjesën më të largët pas hangareve në aeroportin ushtarak Etimesgut në Ankara.
Në avionin e evakuimit përfshirë ekuipazhin, personelin teknik dhe shëndetësor ndodheshin gjithsej 62 persona, prej të cilëve 32 turq, 6 azerbajxhanas, 3 gjeorgjianë dhe një shtetase e Shqipërisë. Personat e evakuuar u dërguan në një spital në Ankara me 17 ambulanca.
Avioni dhe materialet në avion do t‘i nënshtrohen procesit të pastrimit nga ekspertë kimikë, biologë, radiologë dhe bërthamorë (KBRN) të Komandës së Forcave Ajrore. Procesi i pastrimit nag brenda dhe jashtë avionit do të kryhet me përdorimin e kimikateve dhe pajisjeve të veçanta nga personeli i pajisur me maska gazi dhe veshje të KBRN-së. Më pas në çadrën e dekontaminimit të KBRN-së do të bëhet procesi i pastrimit të një e nga një të personelit të avionit.
Personat e evakuuar do të mbahen nën vëzhgim për 14 ditë në dhoma teke në spital ku dhe do të kryhen kontrollen çdo tre ditë. Ushqimet dhe të gjitha shërbimet do të ofrohen me produkte njëpërdorimëshe të cilat pas përdorimit do të vendosen në qese të veçanta dhe do të vlerësohen si mbetje mjekësore. – raporton Anadoly Agency. /tesheshi.com/
