Banorët e qytetit jugperëndimor polak të Wroclaw u evakuuan të premten në mëngjes, më 26 maj, pas zbulimit të municioneve të pashpërthyera nga Lufta e Dytë Botërore.
Pasi u gjet gjatë punës së riparimit të rrugës, një njësi asgjësimi çoi bombën gjermane 250 kilogramësh në terrenin e trajnimit CSWIiCh “Rakow Wielki” për çaktivizim.
Është një bombë ajrore gjermane SC-250 e mbetur nga periudha e luftës, sipas të dhënave të forcave të armatosura polake.
Trafiku rrugor dhe hekurudhor u pezullua dhe rreth 2,500 njerëz u evakuuan nga Nadodrze.
Wojciech Jablonski, zëdhënës i shtabit të policisë komunale të Wroclaw, tha se operacioni zgjati dy orë.
“Jo të gjithë banorët ranë dakord të largoheshin nga shtëpitë e tyre dhe autoritetet nuk mund t’i detyronin ata ta bënin këtë. Policia lëshoi një thirrje publike për evakuim, duke përmendur kërcënimin për shëndetin dhe jetën e njerëzve të shkaktuar nga mjetet e pashpërthyera,” tha zëdhënësja e policisë Aleksandra Freus.
Gjatë Luftës së Dytë Botërore, qyteti përjetoi luftime dhe shkatërrime të rënda. Ai iu bashkua Polonisë në 1945. /tesheshi.com/
