Me mijëra civilë të bllokuar në Halep po kalojnë ditë të tmerrshme në kushte të dëshpëruara, ndërsa mosmarrëveshjet për evakuiimin kanë sjellë vonesa në largimin e tyre nga qyteti i rrënuar nga lufta.
Reporterët përshkruajnë skena eksodi ndërsa thonë se kanë parë njerëz që flenë në rrugë në kushtet e motit me ngrica me pak ose aspak ushqim.
Vonesat duket se janë shkaktuar nga mosmarrveshjet për largimin e civilëve nga dy zona të kontrolluara nga qeveria në Idlib që ndodhet nën zotërimin e kryengritësve. Megjithatë, media shtetërore siriane tha se autobuzët kanë hyrë në lindje të Halepit për të nisur evakuiimin.
Ka raportime se 1200 njerëz presin të transportohen me autobus nga ish-enklava kryengritëse në këmbim të një numri të njëjtë që do të nxirren nga zonat e mbajtura prej kryengritësve në provincën Idlib, Foah and Kefraya.
Punonjësit e ndihmave thonë se edhe fëmijët janë mes atyre që presin në temperature minus gradë, në lindje të Halepit. Plani filllestar për evakuiimin e lindjes së Alepos ra të premten, duke bërë që qindra civilë të bllokohen në disa pika përgjatë rrugës së evakiimit pa asnjë akses për strehim apo ushqim.
Kryqi i Kuq ndërkombëtar thotë se është gati të nisë përpjekjet e shpëtimit të njerëzve, duke pritur në kufirin me Turqinë për të ndihmuar civilët.
Franca ka propozuar që zyrtarët e OKB-së të mund të monitorojnë përpjekjet e evakuiimit, propozim që pret miratimin e Këshillit të Sigurimit.
Ka shqetësime se mocioni i OKB-së për vëzhguesit mund të ndeshë në rezistencën e Rusisë, aleate e presidentit të Sirisë dhe veton e saj në Këshillin e Sigurisë.
Moska ka vendosur veton ndaj gjashtë rezolutave për Sirinë që nga nisja e konfliktit në vitin 2011.
UNICEF, agjencia e fëmijëve të OKB-së thotë se mes të evakuuarve nga Halepi janë fëmijë të plagosur dhe të sëmurë, disa prej të cilëve nuk i kanë prindërit. “Sidoqoftë, me qindra fëmijë të tjerë në kushte të tmerrshme, përfshirë jetimë, mbeten të bllokuar brenda asaj pjese të qytetit”, shton UNICEF.
Agjencia shton se është tepër e shqetësuar për fatin e këtyre fëmijëve. Nëse ata nuk evakuohen urgjentisht, mund të vdesin. Disa fëmijë të plagosur po trajtohen në një spital fushor në afërsi të Idlibit.
Abdulkafi al-Hamdo, një mësues që ndodhet ende në lindje të Halepit me vajzën e tij të vogël, tha se nuk dëshironte të largohej nga shtëpia, por besonte se nuk kishte zgjidhje tjetër.
“Moti është kaq i ftohtë”, tha ai. “Ka njerëz që qëndrojnë në rrugë që nga mëngjesi i së premtes, dhe fëmijët janë kaq të uritur sa që po qajnë. Ata po ngrijnë. Pjesa më e madhe e tyre janë të frikësuar nga ndonjë fund brutal i armëpushmit.
Ata kanë frikë se nuk do të jenë në gjendje të dalin jashtë qytetit. Kjo është ndjenja e gjithë njerëzve këtu”, tha ai.
Përgatiti: Juli Prifti -/tesheshi.com/
