Në vitin 2015 rreth 840 000 persona kanë fituar shtetësinë e një vendi anëtar të Bashkimit Evropian (BE), nga 890 000 në vitin 2014 dhe 980 000 në vitin 2013…
Që nga viti 2010, më shumë se 5 milionë persona gjithsej iu është dhënë shtetësia e një vendi anëtar të BE-së
Nga numri i përgjithshëm i personave që fitojnë shtetësinë e një prej shteteve anëtare të BE-së në vitin 2015, 87% ishin shtetas jashtëkomunitarë (jo-BE).
Grupi më i madh që fitoi shtetësinë e një shteti anëtar të BE-së në vitin 2015 ishin marokenët (86 100 persona, prej të cilëve 88% kanë marrë shtetësi italiane, spanjolle ose franceze), kundrejt shqiptarëve (48 400, 96% të cilët morën shtetësi italiane ose greke), turqve (35 000, 56% me shtetësi gjermane), indianëve (31 000, pothuajse 60% me shtetësi britanike), rumunëve (28 400, gjysma me shtetësi italiane) pakistanezëve (26 300, gjysma me shtetësi britanike) dhe algjerianëve (22 500, më shumë se tre të katërtat kanë morën shtetësi franceze).
Marokenët, shqiptarët, turqit, indianët, rumunët, pakistanezët dhe algjerianët përfaqësonin së bashku një të tretën (33%) të numrit të përgjithshëm të personave që fituan shtetësinë e një shteti anëtar të BE-së në vitin 2015.
Rumunët (28 400 persona) dhe polakët (17 800) ishin dy grupet më të mëdha të shtetasve të BE-së që fitojnë shtetësinë e një shteti tjetër anëtar të BE.
Këto të dhëna jepen në një njoftim të Eurostat-it, zyra statistikore e Bashkimit Evropian (shih tabelën poshtë):
