Gjithnjë e më shumë evropianë po përpiqen të “sigurojnw bukën e gojës”, për shkak të rritjes së çmimeve që po gërryejnë të ardhurat e tyre, tregoi një raport i Zyrës Evropiane të Statistikave.
Përqindja e qytetarëve që kanë vështirësi në mbulimin e shpenzimeve bazë është rritur në tremujorin e dytë krahasuar me tre muajt e mëparshëm në tetë nga dhjetë shtetet anëtare të Bashkimit Evropian të përfshira në anketë, sipas Eurostat.
Është ulur vetëm në Slloveni dhe Finlandë, transmeton dpa.
Të dhënat janë dorëzuar në Eurostat nga Belgjika, Bullgaria, Irlanda, Franca, Italia, Luksemburgu, Austria, Sllovenia, Sllovakia dhe Finlanda.
Sipas të dhënave që disponon Eurostat, më i vështiri ka qenë në tremujorin e dytë në Bullgari, ku rreth 39.8 për qind e të anketuarve e kanë pasur shumë të vështirë ose të vështirë “të ia dalësh”.
Sllovakia, Italia dhe Franca përfshihen gjithashtu në grupin e vendeve me më shumë se 20 për qind të të anketuarve që e kanë të vështirë të mbulojnë shpenzimet bazë.
Pjesa e tyre ishte më e vogla në Finlandë, ku ishte 11 për qind.
Shumica e të anketuarve kanë deklaruar se të ardhurat e tyre kanë qenë të pandryshuara apo edhe janë rritur në periudhën e vëzhguar, thekson Eurostat. /tesheshi.com/
