Zyra Evropiane e Statistikave (Eurostat) njoftoi se buka në të gjithë Bashkimin Evropian nuk ka qenë kurrë më e shtrenjtë se tani.
Eurostat theksoi se çmimet e ushqimeve janë rritur ndjeshëm në të gjithë BE për shkak të asaj që ata thonë se është pushtimi rus i Ukrainës, i cili ka ndërprerë ndjeshëm tregjet globale.
Në njoftimin për shtyp thuhet se Rusia dhe Ukraina janë eksportuesit kryesorë të farave vajore dhe plehrave.
Muajin e kaluar, norma vjetore e inflacionit në eurozonë ishte 9.1 për qind, një nivel i lartë historik, ndërsa çmimi i bukës në BE u rrit me 18 për qind krahasuar me gushtin 2021.
Rritja më e lartë e çmimeve u regjistrua në Hungari (66 përqind), e ndjekur nga Lituania (33 përqind) dhe Estonia dhe Sllovakia (32 përqind). /tesheshi.com/
