Tregu i Errët, tregu më i madh i paligjshëm në Dark Web, u shkatërrua në një operacion ndërkombëtar nga Europol, i cili përfshinte Gjermaninë, Australinë, Danimarkën, Moldavinë, Ukrainën, Mbretërinë e Bashkuar dhe Shtetet e Bashkuara.
Një deklaratë nga Europol shprehet se prishja e Tregut të Errët u bë me ndihmën e analizave të tyre të veçanta operacionale dhe koordinimit me vendet e përmendura.
Tregu i errët kishte rreth 500,000 përdorues, më shumë se 2,400 shitës dhe rreth 320,000 transaksione, si dhe u bënë 4,650 bitcoin dhe 12,800 monero transferime (monero – kriptomonedhë dixhitale).
Trafik droge, para të falsifikuara
Sipas vlerës aktuale, kjo shumë është më shumë se 140 milion euro, shton Europol.
Furnizuesit në tregun e errët kryesisht tregtonin lloje të ndryshme të barnave, para të falsifikuara, karta krediti false, karta SIM të pashënuara dhe malware (softuer i bërë për qëllime të dëmshme).
Policia gjermane zhvilloi një hetim në qytetin e Oldenburgut, ku arrestoi një australian i cili ishte operatori i dyshuar i Tregut të Errët, afër kufirit me Danimarkën, dhe kapi më shumë se 20 servera në Moldavi dhe Ukrainë. /tesheshi.com/
