Dita e Evropës festohet më 9 maj për shkak të kësaj date nga viti 1950, kur Robert Schuman paraqiti propozimin e Evropës së organizuar, e cila njihet edhe si Deklarata e Schuman-it.
Kjo datë konsiderohet edhe data e themelimit të Bashkimit Evropian, i cili shënoi një pikë kthese në marrëdhëniet e vendeve evropiane dhe i hapi rrugën krijimit të një komuniteti shtetesh në këtë kontinent.
Është shënuar si Dita e Evropës që nga vendimi i marrë nga Këshilli i BE-së në Milano në vitin 1985.
Sot shënohet njëherësh dhe 77-vjetori i përfundimit të Luftës së Dytë Botërore, si dhe Dita e Fitores mbi Fashizmin. Ndaj dhe gjithnjë ka ngjarje kremtuese në të gjithë Evropën për të nderuar viktimat e fashizmit dhe luftëtarët e rënë në Luftën e Dytë Botërore
Institucionet e BE tradicionalisht hapin dyert për qytetarët në 9 maj dhe Delegacionet e BE-së anembanë botësorganizojnë aktivitete dhe tubime të ndryshme për qytetarët, si debate, koncerte dhe vizita.
Ironia është me Rusinë, e cila e ka 9 Majin si festë të saj kombëtare, pra në përputhshmëri me vokacionin europian të kësaj dite, pork jo vetëm sa i përket triumfit në Luftën e Dytë. Ndërsa 9 majin politik, atë të BE-së, Rusia e urren, madje e Lufton, si një synim për ta zhbërë Bashkimin Europian. /tesheshi.com/
