Skuadra turke e Fenerbahçes ka arritur të fitojë ndaj Realit të Madridit, në një takim ku gjithçka është vendosur në sekondat e fundit.
E vlefshme për javën e dhjetë të sezonit të rregullt në Euroleague, kjo ndeshje përfundoi 78-77. Reali i Madridit dhe Fenerbahçe kanë tani nga shtatë fitore e tre humbje, dhe ndjekin bashkë CSKA-në e Moskës së vendit të parë.
Kjo ishte fitorja e katërt radhazi e Fenerbahçes ndaj Realit të Madridit; skuadra turke do të fitonte 3-0 në playoff-in e sezonit të shkuar.
Loja e zhvilluar në “Fenerbahçe Ülker Sports Arena” qe mjaft e ekuilibruar, gjë të cilën e tregojnë dhe shifrat e katër pjesëve dhjetëminutëshe: 23-19, 16-21, 18-17, 21-20.
Lojtari që shënoi më shumë qe Nunnally i Fenerbahçes; mes 18 pikëve të shënuar prej tij është dhe ajo që përcaktoi fatin e lojës në fundin e saj. /tesheshi.com/
